Në disa pjesë të Londrës, temperaturat kanë kaluar 29 gradë Celsius të enjten, duke e bërë atë ditën më të nxehtë të prillit në gati 70 vjet.
Moti jashtëzakonisht i ngrohtë në gjithë Mbretërinë e Bashkuar është rezultat i presionit të ulët mbi Atlantik dhe i presionit të lartë mbi Evropën Perëndimore, shkruan rel.
Shërbimi Meteorologjik regjistroi temperaturën prej 29.1 C në Parkun St James në qendër të Londrës.
Kjo thuhet të jetë dita më e nxehtë në Mbretërinë e Bashkuar në prill qysh në vitin 1949. Temperatura mesatare për Mbretërinë e Bashkuar në prill është 11.9 C.