Në Moskë një burrë futi tankun brenda një dyqani për të vjedhur një shishë vere. Ngjarja ndodhi të mërkurën në mëngjes sipas videove dhe fotove të shpërndara në rrjetet sociale. Ai e zhvendosi tankun nga një ambjent trajnimi, nëpërmes pyllit dhe e solli atë në Apatit tha agjencia mediatike Hibinform. Personi i cili përpiqej të kthente mjetin, të cilin dëshmitarët e përshkruan si të dehur, vazhdoi të përplaste tankun në dritaren e dyqanit “Family”, tha agjencia e lajmeve. Ai gjithashtu shkatërroi një makinë Daewoo të parkuar aty pranë, treguan imazhet. Videot e shpërndara në mediat sociale treguan individin që më pas doli nga tanku, duke inspektuar menjëherë dëmin dhe më pas u fut në supermarket nëpërmjet dritares së thyer. Agresori u arrestua më pas për posedimin e një shisheje verë të vjedhur, tha Hibinform. Dyqani nuk ishte i licencuar për të shitur alkool që herët në mëngjes, shtoi agjencia. Dëshmitarët në pamje nuk dukeshin të shqetësuar nga incidenti. “Në thelb, një djalë vodhi një makinë të blinduar … dhe shkoi në një dyqan për të përmbushur nevojat e tij në mëngjes”, përshkroi përdoruesi i mediave sociale, ndërsa filmonte skenën e mbuluar me borë nga dritarja e tij. I arrestuari i cili ishte në të 20-at e tij nuk i rezistoi policies sipas agjencisë së lajmeve.
↧