Në tetor të këtij viti do të festohet denjësisht 100-vjetori i çeljes së Liceut të Korçës, i cili dëshmon, megjithë ulje-ngritjet e një historie shpesh të ndërprerë, se nëse Franca është sot fuqia e 5-të ekonomike botërore dhe një nga të parat për nga rrezatimi politik dhe ushtarak, vokacioni i saj parësor është të jetë superfuqia e Kulturës, mësimdhënies dhe përparimit. Këtë e shkruan në rubrikën Amacord, Kryeministri Edi Rama, në faqen e tij në Facebook.
“Në këtë foto, shohim, rreth drejtorit teknik të Liceut të Korçës, Léon Perret, në vitet ’20, një numër të madh profesorësh me nam: Sotir Kozmo, Loni Kristo, Petraq Pepo, Aleko Kondili, Sotir Sugari, Sotir Papakristo”, shkruan kryeministri Rama.