Një plazh i veçantë në Karaibe, më konkretisht në shtetin Turks & Caicos, është shpallur si më i miri në botë për vitin 2018 nga “TripAdvisor”.
Gjiri “Grace” në Providenciales doli në krye të përzgjedhjes gjatë ceremonisë për vlerësimin e plazhit më të mirë nga udhëtarët, duke mposhtur kështu plazhet në Brazil, Kubë dhe Spanjë.
Plazhi më i vlerësuar në Britaninë e Madhe është ai në Bournemouth, ndërsa në SHBA, vendin e parë e mban “Clearwater” në Florida. Në Australi, plazhi më i mirë është përzgjedhur “Manly”.
Kurorën e “mbretëreshës” së plazheve në Europë e mban “La Concha”, në San Sebastian të Spanjës.
“TripAdvisor” njofton renditjen e plazheve më të mira çdo vit, e vlerësimi bazohet në aspekte cilësore e sasiore, sipas vlerësimeve që kanë dhënë vet udhëtarët gjatë periudhës 12-mujore të fundit.