Kanë nisur homazhet për nder të shkrimtarit dhe politikanit të njohur Teodor Laço. Homazhet po zhvillohen në hollin e Ministrisë së Kulturës, ku ritet e fundit po i kryhen nga personalitete të njohura në vend nga arti dhe politika.
Homazhe pranë trupit të pajetë u bënë edhe nga kreu i Kuvendit, Ilir Meta, i cili e konsideroi një humbje që do ta ndjejmë të gjithë.
Meta: Ndarja nga jeta e një personaliteti të shquar si Teodor Laço është një humbje të cilën besoj se do ta ndjejnë të gjithë.
Kontributet e tij kanë qenë mjaft të spikatura, që nga periudha kur ai kontribuoi në mënyrë aktive për letërsinë dhe kulturën, por edhe në nxitjen e proceseve demokratike duke dhënë kontributin e tij edhe në Kuvendin e Shqipërisë dhe të diplomacisë.
Duke shprehur keqardhjen për këtë humbje, Teodor Laço ka lënë pas një kontribut të çmuar.