Përdoruesit e iPhone të tregojnë kujdes pasi po përhapet një link që nëse e hap do të nxjerrë jashtë funksionit telefonin. Është quajtur ”teksti bombë” e cila mund të shfaqet në telefon si një mesazh nga interneti nga dikush që ke në kontakte.
Zhvilluesi i softuerit Abraham Masri gjeti linkun burimi i se cilës vjen nga ‘chaiOs’. Ai ka treguar për BuzzFeed News që nëse ju vjen një mesazh i tillë në formë linku fshijeni menjëherë dhe mos e klikoni.
Ai gjithashtu këshillon që të mbani telefonin të përditësuar në versionin më të fundit të iOS, që përfshin sigurinë dhe identifikimin e më pas zhdukjen e viruseve.
