Nuk është sekret që Kina e ka qejf censurën. Por, shifrat zyrtare të publikuara nga Kongresi i Partisë Popullore tregojnë shkallën e vërtetë të censurës në këtë vend.
Në 3 vitet e fundit, Kina ka mbyllur ose i ka hequr licencën rreth 13 000 faqeve të internetit. Pa përmendur këtu që ka mbyllur edhe 100 milionë llogari në internet (shumica janë llogari në rrjetet sociale).
Arsyet e mbylljes së këtyre faqeve, sipas Xinhua, janë “për të mbrojtur pushtetin afatgjatë të partisë, paqen dhe stabilitetin e vendit, zhvillimin shoqëror dhe atë ekonomik si dhe interesin e popullit”.