Aktorja Jessica Chastain ka kërkuar ndryshim rrënjësor në industrinë e filmit. Në një intervistë për BBC News, ylli i filmave “Zero Dark Thirty” dhe “Miss Sloane”, ka paraqitur pesë mënyra se si mund të ndryshohet përmbajtja në Hollywood, pasi deri më tani ka mbetur e zhgënjyer me përmbajtjen e kësaj industrie. Ajo ka thënë se kritikët e filmave duhet të hapin mendjen, ndërsa ka shtuar se mësimi i vargjeve duhet të jetë natyra e dytë e aktorëve. Sipas Chastain kompanitë filmike duhet të krijojnë më shumë filma me aktore dhe ka thënë se, aktorët gjatë filmit duhet më pak të bisedojnë e më shumë të veprojnë. Krejt këto ndryshime ajo i ka kërkuar që audienca të sfidohet më shumë nga filmat.