Festivali Europian i Këngës (Eurovision Song Contest), nis sonte në mbrëmje natën e parë, ku do të këndojë dhe përfaqësuesja e Shqipërisë, Lindita Halimi. Për ti uruar fat, kryeministri Edi Rama ka zgjedhur që ti thotë mirëmëngjesi ndjekësve me këngën “World”.
Rama ka uruar këngëtaren Lindita Halimi, e cila përfaqëson Shqipërinë në Eurovizion. Ajo do të performojë sot në Kiev të Ukrainës, e katërta në rradhë.
“MIRËMËNGJES, dhe ju uroj gëzuar Ditën e Europës me këngën që përfaqëson Shqipërinë në Festivalin Europian të Këngës, Eurovision 2017. Sot, Lindita Halimi do të ngjitet në skenën e gjysmëfinales së parë të kësaj gare me këngën e saj “World”, ndaj le t’i japim të gjithë mbështetjen tonë #ForcaLindita”, shkruan kryeministri.