Filmi “Even I Met Happy Gypsies”, prodhim i vitit 1967, këtë vit do të shfaqet në Festivalin e Kanës. Dhe kur kujtojmë se në film rolin kryesor e luan aktori shqiptar Bekim Fehmiu, kjo e bën filmin edhe më të veçantë. Pasi në vitin 1967 filmi mori dy çmime në Festivalin e Kanës, filmi kthehet pas pesëdhjetë vitesh prapë në këtë festival.
Arkiva Jugosllave e Filmit do ta lançojë një kopje të re, kësaj radhe me përkthim në anglisht e frëngjisht të filmit, që do të jetë pjesë e një programi të filmave klasik në Festivalin e madh, Cannes Classics, raporton Blici serb. Filmi në fjalë është me regji e me skenar nga Aleksandar Petroviq, ndërsa pos Bekim Fehmiut në role vijnë edhe Olivera Katarina, Gordana Jovanović, Bata Živojinović.